DagsferðirDagsferðir um Ísland
Suðurland og Þórsmörk - 10 klukkustunda dagsferðTveggja til fimm daga ferðir um SuðurlandHengill er fjall austan Reykjavíkur sem hæst nær um 800 metra yfir sjávarmál. Hengillinn er megineldstöð og undir honum stór kvikuþró. Hengilssvæðið er eitt öflugasta jarðhitasvæði á jörðinni. Á yfirborði eru þúsundir hvera og tvær jarðvarmavirkjanir. 
Þingvellir - sögustaður og náttúra á heimsvísuHvergi á jörðinni eru ummerki landreks jafn augljósÞingvellir eiga sér sterkar rætur í hugum Íslendinga sem og í sögu lýðveldisins. Plötuskilin á milli Ameríku og Evrasíu flekanna eru vel greinileg í þjóðgarðinum Þingvöllum og eru greinagóð merki hinar ungu en mögnuðu jarðsögu Íslands. 
ReykjanesskagiEldstöðvar, hraun, hraunhellar, sprungur og hverir.Reykjanesskagi er syðsti og vestasti hluti Íslands og jafnframt sá yngsti. Þar gengur Atlantshafshryggurinn á land og á Reykjanesskaga sjást gríðarleg ummerki eldvirkni: eldstöðvar, hraun, hraunhellar og hverir. Alþjóðaflugvöllurinn í Keflavík er á Reykjanesskaga. 
HvalfjörðurGlymur - Hæsti foss Íslands heimsótturHvalfjörður skerst inn í landið skammt norðan við Reykjavík. Fjörðurinn var í þjóðbraut og þar um mikil umferð þar til jarðgöng voru gerð undir fjörðinn, sem stytti mjög leiðina á milli Reykjavíkur og Borgarness. Eftir það hefur kyrrðin ráðið ríkjum í Hvalfirði. 
SnæfellsnesUndur og dulmögnun við hvert fótmál - kynngimögnuð veröldSnæfellsnes í heild sinni er mikil undraveröld og óvíða er íslensk náttúra fjölbreyttari og tignarlegri. Extreme Iceland býður jafnt dagsferðir sem lengri ferðir um Snæfellsnes. Þar er hægt að dvelja dögum saman en samt ávallt sjá og reyna eitthvað nýtt á hverjum degi. 
Undur jarðhitans á ReykjanesiHeitir hverir Reykjaness og Bláa lóniðDagsferð um Reykjanes þar sem jarðsaga, hraun, eldstöðvar og hverir eru í öndvegi. Frá Reykjavík er haldið til suðurs. Vegurinn liggur yfir hvert hraunið á fætur öðru. Staldrað er við Kleifarvatn sem er áttunda dýpsta stöðuvatn á Íslandi - um hundrað metra djúpt. 
Tvígígahellir, Geirdal og Kubbur við Bláa lóniðFallegir hraunhellar í nágrenni Bláa lónsinsÍ þessari ferð er gengið um hraunin og hugað að smáatriðum bæði ofanjarðar og neðan. Sagt verður frá uppruna hraunanna, hraunhellanna, eldvirkninnar á svæðinu og tilurð Bláa lónsins. Í þessari hraunagöngu verður komið við í þrem hraunhellum, þeir eru hvorkir mjög stórir né langir. 
Búri í LeitahrauniEinn stórbrotnasti hraunhellir jarðarTignarlegastar eru ísmyndanirnar síðla vetrar en við bjóðum ferðir í Búra alla daga ársins. Það er einungis fyrir þá sem eru vel á sig komnir að fara yfir íssalinn og upp ísbrekkuna þar innaf. Þá taka við mikil og stýrgrýtt göng, stórbrotið landslag, víða hátt til lofts og vítt til veggja. 
Raufarhólshellir í LeitahrauniÞriðji stærsti hraunhellir á ÍslandiUm hálftíma akstur er að hellinum frá Reykjavík og hellaferðin sjálf tekur um fjórar klukkustundir. Því er ágætt að áætla ekki minna en fimm klukkustundir í ferðina í heild. Ganga um hellinn er mikið ævintýr og margt forvitnilegt ber fyrir augu. 
Arnarker í LeitahrauniAðgengilegur en ævintýralegur hraunhellirÞað tekur hátt í klukkustund að aka frá Reykjavík að Arnarkeri. Frá veginum er örstuttur gangur að hellismunnanum sem er gríðarlegt niðurfall. Er með nokkrum ólíkindum að þakið hafi brotnað á þeim stað sem raun ber vitni því hellirinn liggur þar á um 16 metra dýpi í hrauninu. 
Leiðarendi í Stóra-BollahrauniKílómetralöng undraveröld neðanjarðarÞað tekur innan við hálftíma að aka að hellinum frá Reykjavík en hellismunninn er örskammt frá veginum. Leiðarendi er um 900 metra langur og hin mesta draumaveröld. Hellirinn gengur til beggja átta út frá niðurfalli og tengjast leiðirnar þannig að hellirinn liggur í hring.. 
Flóki ofan HafnarfjarðarEinn af lengstu hraunhellum landsinsUm hálftíma akstur er frá Reykjavík að bílastæði í nágrenni hellisins en þaðan er innan við hálftíma gangur að hellinum. Það er mikil og skemmtileg vinna að skoða hvern krók og kima í Flóka enda hellirinn 1096 metrar að lengd og því líklega tíundi lengsti hraunhellir landsins. 
Spenastofuhellir, Völundarhúsið og LautarhellarHrauna og hellaganga í nágrenni ReykjavíkurAkstur að svæðinu tekur um hálftíma. Gönguferðin í heild með því að skoða hellana fjóra tekur um fjórar klukkustundir og hér er því um fimm tíma ferðalag að ræða með akstrinum til og frá Reykjavík. Við bjóðum þessa ævintýraferð alla daga ársins. 
BrennisteinsfjöllEldstöðvar, hraun og hraunhellar - ósnortin veröldGengið verður norður eftir hraunsléttu Kistufellshrauns. Þegar nálgast brún Lönguhlíðar opnast vítt útsýni til höfuðborgarsvæðisins. Komið er fram á brún ofan Kerlingarskarðs og þar farið niður stórgrýtt og bratt gil. Þar niðri á jafnsléttunni bíða veitingar göngugarpanna og akstur til höfuðborgarinnar. 
Nátthagi, Annar í aðventu og HallurHverir, hellar og sjávarbrim í einni og sömu ferðinniHaldið er frá Reykjavík að Kleifarvatni og þaðan að hverunum við Seltún og gengið um hverasvæðið. Þaðan haldið að Austurengjahverum sem eru meðal stærstu hvera á Íslandi og eiga sér vart hliðstæðu á jörðinni. Í Herdísarvík er gengið niður í fjöru og fylgst með öldunni sem skellur óbrotin á ströndinni. 
Djúpihellir, Langihellir, Tanngarðshellir og RótarhellirUndraveröld jafnt ofanjarðar sem neðanBláfjöll á Reykjanesskaga eru helsta skíðasvæði Reykvíkinga og þangað er um hálftíma akstur frá höfuðborginni. Svæðið er kjörið til útivistar, göngu- og hellaferða allt árið um kring. 
Gjábakkahellir á ÞingvöllumDagsferð um Þingvallaveit með áherslu á jarðfræði og söguHellirinn er opinn í báða enda og því óþarfi að ganga bæði fram og til baka. Heildarlengd hellisins er 364 metrar. Gjábakkahellir hefur margt að bjóða hellaförum. Í hellinum er allajafna töluvert um ísmyndanir, þar eru spenar, storkuborð og ýmsar aðrar hraunmyndanir sem gleðja augað. 
Tvíbotni á ÞingvöllumEinn fallegasti staðurinn í ÞingvallasveitTvíbotni er mikill hraunhellir á Þingvöllum og liggur djúpt í hrauninu. Hellirinn er um 310 metra langur og hinn glæsilegasti, upprunalegur og lítt hruninn. Í Tvíbotna er mikið um glæsilegar hraunmyndanir. Hellirinn er á hluta með fölsku gólfi, það er á tveim hæðum. 
Vörðuhellir á ÞingvöllumHellaferðin sjálf er mikið ævintýri sem seint gleymistVörðuhellir er um 1100 metrar að lengd og lengstur þekktra hella á Þingvöllum. Ferð um hellinn er mikið ævintýri en ekki alltaf auðvelt. Fjölmargt er að sjá og reyna en sumstaðar þarf að leggjast á fjóra fætur til halda áfram för og víða þarf að beygja sig. Þess á milli er hátt til lofts. 
Gullborgarhellir og Vegghellir í HnappadalHnappadalur er ævintýrveröld fyrir ferðafólkÍ Hnappadal austast á Snæfellsnesi varð mikið eldgos snemma á nútíma og myndaði Gullborg og Gullborgarhraun sem er um 15 ferkílómetrar. Hraunið rann í mörgum og stórum neðanjarðarrásum sem sumar urðu að hellum. Eldvarpið Gullborg er glæsilegur gígur sem gaman er að skoða. 
Hellaleitarferðir – leitað að hellumHér fær landkönnunarþráin útrás...Stórir hlutar íslensku hraunanna eru lítt kannaðir af hellasérfræðingum og því víða mögulegt að ganga fram á ófundna hella. Í slíkum ferðum geta þátttakendur sett sig í spor landkönnuða fyrri tíma og gengið um nýja veröld (hinn nýfundna helli) fyrstir jarðarbúa. 
Langjökull - Næst stærsti jökull ÍslandsÓtrúleg ferð á ofurjeppum um fjórða stærsta jökul heimsLangjökull er næst stærsti jökull Íslands og er hann um 950 ferkílómetrar að stærð og hæsti punktur hans í 1355 metra hæð. Jökullinn er vestan við Hofsjökul á hálendi Íslands. Austanundir jöklinum er jökullónið Hvítárvatn en það er upphaf Hvítár. 
Hálendis TaxiRúntur um hálendisparadís ÍslandsLangar þig til að kanna víðáttur hálendis Íslands með sína jökulsorfnu dali, beljandi ár, hrikalega tinda, endalausar hraunbreiður og fannhvíta jökla? Extreme Iceland býður þínum hóp að fara með sérútbúnum fjórhjóladrifnum fjallatrukkum upp á hálendi Íslands. 
Landmannalaugar og HeklaMorgunbað í Landmannalaugum og síðdegisganga við HekluHekla er eitt þekktasta eldfjall Íslands. Hún er ásamt Kötlu og Grímsvötnum ein virkasta eldstöð á Íslandi. Þetta ílanga eldfjall hefur gosið um 20 sinnum á sögulegum tíma eða síðustu 1000 árum. Fjallið sem er um 1500 metra hátt sést víða að af Suðurlandi og hefur mikið aðdráttarafl. 
LjósmyndaferðirSamspil ljóss og myrkurs fest á filmuHvað heillar ljósmyndaaugað mest? Sérkennileg litadýrð eins og gefst að sumri í Hveradölum, á Fjallabaksleiðum og í Landmannalaugum, leikur íss og elds í Hrafntinnuskeri, svart umhverfi Kleifarvatns og Suðurstrandar, dulmögnuð veröld Jökulsárlóns? 
EldgosaferðirEldgos og rennandi hraunÁ Íslandi er meiri eldvirkni en annars staðar á jörðinni. Atlantshafshryggurinn liggur þvert yfir landið auk þess sem Ísland er svokallaður heitur reitur, það er möttulstrókur undir landinu og ber að því kviku. 
NorðurljósaferðirHin íslenska nótt með norðurljósadýrðExtreme Iceland býður sérhannaðar norðurljósaferðir fyrir alla sem vilja upplifa hið magnþrugna sjónarspil norðurljósanna yfir hina íslensku vetrarmánuði frá Október og út Apríl. |
